ఎవరు నీవు?

ఎవరు నీవు?

~~~~~~~~~

కురుల మేఘానివా,

గరళ కంఠుని కంఠానివా,

సాగర గర్భానికి ప్రతిరూపానివా,

హృదయాలను ఆకర్షించే అయస్కాంతానివా,

కావ్యకన్యక కంటి కాటుకవా,

చిట్టిపాప చిక్కటి కనుపాపవా.

ముత్యాలు పొదిగిన కృష్ణ ఛత్రానివా,

కృష్ణ శబ్దానికి అర్ధానివా,

అమావాస్యకు ఉపమానానివా,

వంశీ కథల్లో నల్లసుశీలవా,

గోదారిలో నాటు నావవా,

మానవకన్యగా విహరిస్తున్న నిశీధివా,

ఎవరు నీవు?

నీవెవరైనా గానీ,

నిన్ను చూసాకే నాకు,

నలుపంటే ఇష్టమయింది...