ఓ స్నేహమా నీకేమైనా సందేహమా??

మంచి గంధం సువాసన ఆఘ్రాణించినపుడు,
పసిపాపల బోసినవ్వులు చూసినపుడు,
పన్నీరు పైపైన చిలకరించినపుడు,
దేవాలయం లో కర్పూర హరతి కళ్ళకద్దుకున్నపుడు,
తొలకరి వానలో తడిసినపుడు,
ఆ వానలో మట్టివాసన పీల్చినపుడు,
ఆ చిరు జల్లుల మధ్య మొక్కజొన్న కంకి తిన్నప్పుడు,
వెన్నెల్లొ గోదారిని చూసినపుడు,
పిల్లతెమ్మర తనువును తాకినపుడు,
వేకువ ఝామున మేలుకొలుపు విన్నప్పుడు,
కలిగే అనిర్వచనీయమైన అనుభూతి కన్నా,
ఈ పేజీ లో పాత స్నేహితులందిరినీ పలకరించినపుడు కలిగే అనుభూతి మిన్న.
ఓ స్నేహమా నీకేమైనా సందేహమా??
వీలుంటే......కాదు,కాదు...,వీలు చేసుకుని మరీ రావమ్మా.... ఓ స్నేహమా,
మా ఊసుల,బాసల పేజీ లోకి నీకు మాత్రమే
స్వాగతం ..............,సుస్వాగతం...............,
ఇదే నా స్వగతం.






(ఈ కవిత మా కాలేజీ పాత స్నేహితుల కోసం గూగుల్ గ్రూప్స్ లో రాసినది.)